જામનગર જિલ્લાના જામજોધપુરના તરુણને વીજ આંચકો ભરખી ગયો! જુઓ કરુણ મોતના CCTV

ભાણવડ યાર્ડમાં શાકભાજીની હરાજી દરમિયાન કરુણાંતિકા સર્જાઈ હતી. જેમાં ઈલેક્ટ્રિક પોલમાંથી જોરદાર આંચકો અનુભવાયા બાદ જામજોધપુરના ધ્રુવીલ પોપટનું સ્થળ પર જ મોત થયું હતું. જામનગર જિલ્લાના જામજોધપુરના ગુરૂકૃપા પાઉભાજીવાળા ભરતભાઈ પોપટના પુત્ર ધ્રુવીલ પોપટના કમકમાટીભર્યા મોતના સમાચાર વાયુવેગે પ્રસરતા સમગ્ર પંથકમાં લોહાણા સમાજ શોકના સાગરમાં ડૂબ્યો છે. આ કરુણ બનાવ બનવા પર પોલીસ પણ ઘટના સ્થળે પહોંચી ગઈ હતી જ્યાં તરુણના મૃતદેહનો કબજો સંભાળી પોસ્ટમોર્ટમ માટે હોસ્પિટલમા ખસેડવા સહિતની કાર્યવાહી હાથ ધરી હતી.