જાણો બાર જ્યોતિર્લિંગ ની સ્થાપના કઈ રીતે થઈ અને તેનો મહિમા શું છે

જાણો બાર જ્યોતિર્લિંગ ની સ્થાપના કઈ રીતે થઈ અને તેનો મહિમા શું છે

શ્રાવણ મહિનો એટલે ભોલા ભંડારી નો મહિનો આમ તો શ્રાવણ મહિનામાં અનેક તહેવારો આવે છે પરંતુ આ સમગ્ર મહિનો મહાદેવને સમર્પિત છે સમગ્ર મહિના દરમિયાન તેમજ મહિનામાં આવતા ચાર સોમવારનું મહત્વ હિન્દુ ધર્મમાં વર્ણવવામાં આવ્યું છે . આમ તો દરેક શહેર ગલીઓમાં દેવાથી દેવનું મંદિર જોવા મળતું હોય છે ભોળાનાથ ને ભજવાથી અને તેમના જ્યોતિલિંગના દર્શન કરવાથી લોકોને પાપ માંથી મુક્તિ મળે છે આ ઉપરાંત ભૌતિક દૈહિક પાપો પણ નષ્ટ થઈ જાય છે. ભારત દેશના અલગ અલગ દિશાઓમાં દેવાથી દેવ મહાદેવ સ્વયં બિરાજમાન છે. આ પવિત્ર સ્થળના દર્શનથી વ્યક્તિને પોતાના કરેલા પાપ માંથી મુક્તિ તો મળે જ છે. આ 12 જગ્યાએ દર્શન કરવાનો મહિમા મા છે તેને બાર જ્યોતિર્લિંગ તરીકે પણ ઓળખાય છે.

સોમનાથ: 

પ્રથમ જ્યોતિર્લિંગ ગુજરાત રાજ્યના સૌરાષ્ટ્રમાં સોમનાથ ખાતે આવેલું છે એક માન્યતા અનુસાર આ શિવલિંગ વિશ્વનું પ્રથમ શિવલિંગ માનવામાં આવે છે. જેની સ્થાપના સ્વયં ભગવાન ચંદ્રદેવે કરી હતી જોકે અત્યાર સુધીમાં આ મંદિરને અનેક વખત નષ્ટ કરવાના પ્રયત્નો હાથ ધરવામાં આવ્યા છે. જો કે જે બાદ તેનું પુનઃ નિર્માણ કરવામાં આવ્યું છે.

મલ્લિકાર્જુન:

આંધ્ર પ્રદેશના શ્રી શૈલમ નામના પર્વત પર બિરાજમાન મલ્લિકાર્જુન મહાદેવ નો મહિમા ખૂબ વિશેષ માનવામાં આવે છે. આ મંદિર કૈલાશ પર્વત પર આવેલા ભગવાન શિવના મંદિર સમાન મહત્વ ધરાવે છે. આ જ્યોતિર્લિંગ ના દર્શન કરવાથી ભૌતિક દૈવિક સહિતના પાપો માંથી છુટકારો મળે છે.

મહાકાલેશ્વર:

મધ્યપ્રદેશના ક્ષિપ્રા નદી કાંઠે આવેલા ઉજ્જૈન નગરમાં બિરાજમાન મહાકાલેશ્વર સમગ્ર ઉજ્જૈનની રક્ષા કરી રહ્યા છે તેમ માનવામાં આવે છે. આ જ્યોતિર્લિંગ એકમાત્ર દક્ષિણમુખી જ્યોતિર્લિંગ છે અને અહીંની ભસ્મ આરતી વિશ્વભરમાં પ્રસિદ્ધ છે. એક માન્યતા અનુસાર સમગ્ર ઉજ્જૈન ની રક્ષા મહાકાલ કરી રહ્યા છે.

ઓમકારેશ્વર:

નર્મદાના કાંઠે માંધાતા પર્વત પર આવેલા ઓમકારેશ્વર મહાદેવ મંદિરનો વિશેષ મહિમા છે. આ મંદિરમાં જ્યોતિલિંગ ઓમ આકાર માં હોવાથી આ મંદિર ઓમકારેશ્વર ના નામથી ઓળખાય છે.

કેદારનાથ:

અલખ નંદા તથા મંદાકિની નદી તટ પર બિરાજમાન બાબા કેદારનાથ નું વર્ણન શિવપુરાણમાં કરવામાં આવ્યું છે આ જ્યોતિર્લિંગ હિમાલયના કેદારનાથ નામના શિખાપર સ્થિત છે. બદ્રીનાથ ના માર્ગમાં કેદારનાથનું મંદિર સ્થિત છે.

ભીમાશંકર: 

મહારાષ્ટ્રના પુના જિલ્લામાં સહયાદ્રી નામના પર્વત પર ભીમાશંકર જ્યોતિર્લિંગ સ્થિત છે જે માટેેશ્વર નામથી પણ પ્રખ્યાત છે આ મંદિરમાં સવારે સૂર્ય નીકળ્યા બાદ દર્શન કરવામાં આવે તો સાત જન્મો સુધીના પાપ પણ નષ્ટ પામે છે. તેવી માન્યતા છે.

વિશ્વનાથ:

વિશ્વનાથ મહાદેવ કાશીમાં સ્થિત છે. એક માન્યતા અનુસાર દેવાથી દેવ મહાદેવ હિમાલયને ત્યાગીને અહીં સ્થાયી થયા હતા
અન્ય ધાર્મિક સ્થળોની સરખામણીએ કાશીનું મહત્વ વધારે છે કારણ કે પ્રલય કાળ દરમિયાન આ નગર પર કોઈ અસર થઈ ન હતી.

ત્ર્યંબકેશ્વર:

મહારાષ્ટ્રના નાસિક નજીક આવેલા બ્રહ્મ ગીરી નામના પર્વત પરથી ગોદાવરી નદી શરૂ થાય છે. જે કાશીથી ફક્ત 30 km ના અંતરે પશ્ચિમ દિશામાં આવેલું છે. ભગવાન શિવના એક નામ પરથી આ જ્યોતિર્લિંગ નું નામ ત્રંબકેશ્વર આપવામાં આવ્યું છે.

બૈજનાથ:

લંકાપતિ રાવણ પોતાના તપના બળથી જ્યોતિર્લિંગ ને લંકા લઈ જઈ રહ્યા હતા એ સમયે દરમિયાન અચાનક જ રસ્તામાં વિછેદ આવવી જવાને કારણે શિવજી ઝારખંડના જનપદમાં સ્થાપિત થઈ ગયા હતા.

રામેશ્વર:

ભગવાન રામ દ્વારા સ્થાપના કરાયેલી આ શિવલિંગને રામેશ્વરમ તરીકે ઓળખાય છે. લંકા પર આક્રમણ કર્યા પહેલા મર્યાદા પુરુષોત્તમ રામે આ શિવલિંગની સ્થાપના કરી હતી.

નાગેશ્વર:

ગુજરાતના હાલારના દ્વારકામાં આવેલું આ જ્યોતિલિંગનું નામ ભગવાનની ઈચ્છા અનુસાર થયું હોવાની માન્યતા છે આ ઉપરાંત અહીં જે લોકો સંપૂર્ણ શ્રદ્ધા અને વિશ્વાસથી જે કંઈ પણ માનતા લે છે તે અચૂક પૂરી થાય છે તેવી માન્યતા છે.

ધુશ્મેશ્વર:

મહારાષ્ટ્રના દોલતાબાદ થી નજીક આવેલું બેરુલ ગામમાં ધ્રુમેશ્વર મહાદેવની સ્થાપના કરવામાં આવી હતી. અહીં અલગ અલગ રાજ્ય થી લોકો દેવાથી દેવ મહાદેવના દર્શન કરવા આવે છે. આ મંદિરને ધૃસણેશ્વરના નામના મંદિર તરીકે પણ ઓળખાય છે અહીં દર્શન કરવાથી આત્મિક શાંતિ મળે છે.